Çində COVID-19 peyvəndi sınaqları iştirakçı öldükdən sonra dayandırıldı

Sınaqın dayandırılması barədə noyabrın 9-da axşam saatlarında Globo məlumat yayıb.KİV-in məlumatına görə, Braziliyanın səhiyyəyə nəzarət agentliyi Anvisa oktyabrın sonunda bəzi ciddi yan təsirlər barədə məlumat alıb, lakin hadisənin təfərrüatları açıqlanmayıb. Tipik olaraq, “ciddi mənfi hadisələr” xəstənin ölümü və ya ölüm təhlükəsi, əlillik, xəstəxanaya yerləşdirmə və ya tibbi cihaz vasitəsilə infeksiyanın ötürülməsi kimi müəyyən edilir.

Anvisa daha əvvəl 6 milyon doza CoronoVac peyvəndinin idxalını təsdiqlədi, lakin Braziliya prezidenti Jair Bolsonaro vətəndaşlara "qvineya donuzları" kimi istifadə edilməyəcəyini və sınaqdan keçirilməmiş bir dərmanla peyvənd olunmayacağını vəd etdi.

Hazırda Çin beş növ koronavirus peyvəndi hazırlayır: inaktivləşdirilmiş (mikroorqanizmlərdən hazırlanmış), rekombinant zülal, adenovirus, nuklein turşusu əsaslı və canlı zəiflədilmiş qrip peyvəndi. Cansino Biologics tərəfindən istehsal olunan peyvəndlərdən biri hazırda Rusiyada son klinik sınaqdan keçirilir.

Qeyd edək ki, bu, Braziliyada koronavirusa qarşı vaksinlərin klinik sınaqları ilə bağlı ilk insident deyil. Oktyabrın 21-də məlum olub ki, Oksford Universiteti və AstraZeneca əczaçılıq şirkətinin mütəxəssisləri tərəfindən yaradılmış dərmanın III fazasının klinik sınaqları zamanı könüllülərdən biri dünyasını dəyişib. Braziliya mətbuatının məlumatına görə, peyvəndin klinik sınaqlarında könüllü kimi iştirak edən 28 yaşlı həkim COVID-19-un yaratdığı fəsadlardan dünyasını dəyişib. İddialara görə, o, yoluxmuş xəstələrlə işləyib və onlardan yoluxub. İstehsalçılar dərmanla bağlı heç bir təhlükəsizlik problemi müəyyən etməyiblər və sınaqlar davam edir.