Elm adamları, xəstəxanadan çıxdıqdan sonra iki ay ərzində ABŞ Veteranlar İşləri Xəstəxanası şəbəkəsində COVID-19 üçün müalicə olunan 2200-ə yaxın insanın sağlamlığını qiymətləndirdi. Digər xəstəliklərdən – qeyri-COVID pnevmoniyasından və ürək çatışmazlığından müalicə olunan insanların göstəriciləri ilə müqayisə edilib.
Xəstəxanadan çıxdıqdan sonra ilk iki ayda COVID-19 xəstələrinin 9%-i öldü, 20%-i isə yenidən qəbul edildi. Araşdırmanın əhatə etdiyi dövrdə xəstəxanalarda koronavirus infeksiyasından ölüm nisbəti 18,2% təşkil edib.
Məlum olub ki, COVİD-dən sonrakı xəstələrdə iki ay ərzində orta ağırlaşma, yenidən xəstəxanaya yerləşdirmə və ölüm riski ürək çatışmazlığı olan xəstələrə (27% qarşı 37%) və pnevmoniyadan sonra (26% qarşı 22%) nisbətən aşağıdır. Bununla belə, xəstəxanadan çıxdıqdan sonra ilk 10 gün ərzində bu risklər koronavirus infeksiyası olan insanlarda əhəmiyyətli dərəcədə yüksək olub – 40-60%.
Miçiqan Universitetinin epidemioloqu və tədqiqatın həmmüəllifi Con P. Donnelli deyir: “Biz COVID-19 xəstələrinin diskret nəticələrini digər ciddi xəstəliklərdən sonrakı nəticələrlə müqayisə etdikdə ilk bir-iki həftə ərzində qeyri-adi yüksək risk görürük”.
Alimlər hesab edirlər ki, yeni məlumatlar yeni suallar doğurur: COVID-19-dan sonra xəstələri necə və nə vaxt evə buraxmaq daha yaxşıdır, buraxıldıqdan sonra onlara hansı növ monitorinq lazımdır.
