Elektromaqnit sahələri ürək implantasiyası olan elektron cihazları olan insanlar üçün təhlükəli ola bilər. Məsələn, onlar potensial olaraq süni kardiostimulyatorun pozulmasına və ürəyin dayanmasına səbəb ola bilər.
“Technology and Health Care” jurnalında dərc olunan yeni araşdırma, elektrik avtomobillərinin yarada biləcəyi elektromaqnit sahələrinin ürək stimulyatoru olan insanlar üçün heç bir xüsusi təhlükə yaratmadığını müəyyən edib.
Almaniya və Yeni Zelandiya alimləri ürək implantasiyası üçün elektron cihazlardan (kardiostimulyator və defibrilator) istifadə edən 108 nəfərin iştirakı ilə araşdırma aparıblar. Tədqiqatın hər bir iştirakçısı hazırda bazarda olan dörd fərqli elektrik avtomobilini yükləyib və idarə edib. Dörd modelin hər biri akkumulyatorun tutumu, doldurma sisteminin növü və mühərrik gücü ilə fərqlənirdi.
Təcrübə xüsusi stenddə aparıldı ki, bu da mühərrikin gücünü artırmağa kömək etdi. Bu, sınaqdakı mühərrik performansının real həyatdakından fərqlənməməsi üçün edilib. Təcrübə boyu alimlər elektromobilin içərisində və ətrafındakı elektromaqnit sahəsinin gücünə, həmçinin iştirakçıların implantasiya edilmiş qurğularının işinə nəzarət ediblər.
Təcrübədə elektromaqnit sahəsi implantasiya edilmiş elektron cihazın işini pozacaq qədər güclü olmayıb. Alimlər hesab edir ki, bu, elektromobillərin içərisinə quraşdırılmış sipərlə bağlıdır. O, kompüter sistemlərini elektromaqnit sahələrinin təsirindən qorumaq üçün nəzərdə tutulmuşdur.
