Harvard Xalq Sağlamlığı Məktəbinin tədqiqatçıları retrospektiv araşdırmada ABŞ-da 2020-ci ilin noyabr ayına qədər COVID-19-a yoluxduğu təsdiqlənən 193 000-dən çox xəstənin məlumatlarını təhlil etdilər. İştirakçıların yaşı 18-65 idi. İnfeksiyadan sonra sağlamlıq vəziyyəti haqqında məlumat əldə etmək üçün tədqiqat müəllifləri milli tibbi məlumat bazalarından istifadə etdilər.
Nəticələr göstərdi ki, xəstələrin 14%-nə COVID-19-dan sonra müalicə tələb edən ən azı bir yeni xəstəlik diaqnozu qoyulub.
Alimlər yazır: "Kəskin yoluxucu dövrdən sonra ürək-damar, nevroloji, böyrək, tənəffüs və psixiatrik ağırlaşmalar da daxil olmaqla, orqan sistemlərində klinik nəticələrin artması riski müşahidə edildi".
Tədqiqat müəllifləri daha sonra bu nəticələri 2020-ci ildə sınaqdan keçirilmiş, lakin koronavirusa yoluxduğu təsdiqlənməmiş digər xəstələrin məlumatları ilə müqayisə ediblər. Məlum olub ki, COVID-19 olan insanlarda yeni xəstəliklərin inkişaf riski nəzarət qrupu ilə müqayisədə 5% yüksəkdir.
Üstəlik, koronavirusdan sonra yeni diaqnozun qoyulma ehtimalı təkcə yaşlı xəstələr və ya artıq səhhətində problemi olanlar deyil, həm də müşayiət olunan xəstəlikləri olmayan kifayət qədər gənclər arasında kifayət qədər yüksək olub.
"Səhiyyə işçiləri təsdiqlənmiş və ya şübhəli COVID-19 infeksiyasından sonra potensial nəticələrə qarşı diqqətli olmalıdırlar. Bu nəticələr üçün effektiv müalicələrin işlənib hazırlanması tədqiqatın əsas prioriteti olmalıdır", – tədqiqat müəllifləri hesab edirlər.
