Yeni koronavirus infeksiyası COVID-19-un hamilə qadından onun dölə keçməsi ehtimalı azdır. Frontiers in Pediatrics jurnalında dərc olunan Çin alimlərinin kiçik araşdırması yeni sübutlar təqdim edir.
Wuhan Ümumi Xəstəxanasının çinli həkimləri laboratoriyada COVID-19 diaqnozu qoyulmuş dörd hamilə qadını izlədilər. Qadınlarda xəstəxanaya yerləşdiriləndə qızdırma, zəiflik və əzələ ağrısı da daxil olmaqla yeni koronavirus infeksiyasının simptomları olub.
Dörd yeni doğulmuş uşaq hava-damcı yoluxmasının qarşısını almaq üçün dərhal analarından təcrid olunub. Bütün körpələr butulka ilə qidalanırdı. Onlardan ikisi tam sağlam olub, digər iki uşağın səhhəti bir neçə gün ərzində normallaşıb.
Dörd uşaqdan üçünün həyatının üçüncü günündə koronavirus testi mənfi olub. Dördüncü uşağın anası testlərə razılıq vermədi. Xəstəliyi istisna etmək üçün alimlər onun sağlamlığını və rifahını izləyiblər. Uşaqların heç birində COVID-19 simptomları müşahidə edilməyib. Ana və uşaqlar xəstəxanadan sağ-salamat evə buraxılıblar.
Əvvəllər elm adamları hamiləlik zamanı doqquz COVID-19 hadisəsini təhlil etmişdilər. Onlar belə qənaətə gəliblər ki, hazırda uşağın doğulmamışdan əvvəl koronavirusa yoluxa biləcəyini sübut etmək üçün kifayət qədər dəlil yoxdur.
