ÜST eksperti bildirib ki, koronavirusun xarakterik əlaməti qoxu və dadın itirilməsidir. Ancaq xatırlamaq lazımdır ki, bu simptomlar bütün xəstələrdə görünmür. Buna görə də, yalnız bir laboratoriya testi dəqiq bir diaqnoz qoya bilər.
ÜST qripə hazırlıq və cavab qrupunun rəhbəri Enn Maughan hər iki infeksiyanın eyni vaxtda yayıla biləcəyini və oxşar simptomlara malik ola biləcəyini söylədi. ÜST nümayəndəsinin sözlərinə görə, xəstəlik əlamətləri görünəndə edə biləcəyiniz ən pis şey, öz-özünə diaqnoz qoymaqdır. Moen xatırladıb ki, yüngül simptomlarınız varsa – cüzi hərarət və ya qızdırma – sadəcə evdə qalmaq kifayətdir. Ancaq nəfəs darlığı və sinə ağrısı kimi hər hansı xəbərdarlıq əlaməti ilə qarşılaşsanız, ən qısa müddətdə həkimə müraciət etməlisiniz. Hamilə qadınlar və immun sistemi zəif olan insanlar ciddi simptomlar olmasa belə həkimə müraciət etməlidirlər.
Tarik Jasareviç həmçinin qripə qarşı peyvəndin zəruriliyini xatırladıb. Mövcud şəraitdə bəzi ölkələrdə qrip peyvəndinə tələb təklifi üstələyə bilər. Buna görə də, ÜST ekspertləri peyvənd edilməli olan beş prioritet qrup müəyyən ediblər. İlk növbədə, peyvənd tibb işçilərinə və qocalara verilməlidir – bunlar infeksiya və ağır xəstəlik riski yüksək olan xəstələr qruplarıdır. Prioritet qrupa həmçinin uşaqlar, hamilə qadınlar və səhhəti zəif olan insanlar daxildir.
Bu il Cənub Yarımkürəsində əvvəlki illərlə müqayisədə xeyli az qripə yoluxma halı qeydə alınıb ki, bunu ekspertlər COVID-19 səbəbiylə sağlamlıq məhdudiyyətləri ilə əlaqələndirirlər. Bununla belə, Şimal yarımkürəsində qripin ötürülməsi arta bilər və koronavirusla birgə dövriyyə “həssas əhali və sağlamlıq sistemləri üçün əlavə yük” yarada bilər, Tarik Jasareviç deyir.
