Gec yatmağa və gec oyanmağa üstünlük verən yeniyetmələrdə astma və allergiyaya tutulma ehtimalı "erkən quş" olan yeniyetmələrə nisbətən daha çoxdur. Bunu ERJ Open Research -də dərc olunan yeni araşdırma göstərib.
Kanadanın Alberta Universitetindən Subhabrata Moitra, "Səhər növləri ilə müqayisədə gec yatan yeniyetmələrdə astma inkişaf riski təxminən üç dəfə yüksəkdir" dedi.
Sorğuda Hindistandan olan 13-14 yaşlı 1648 yeniyetmə iştirak edib. Gecə bayquşlarının 23,6%-i və erkən quşların 6,2%-i astma xəstəliyinə tutuldu. Yeniyetmələrdə xronotip və astma riski arasındakı əlaqə cinsdən, yaşayış yerindən və ya xəstəliyin başlanğıcına təsir edə biləcək digər amillərdən asılı deyildi.
Araşdırmanın müəllifləri hesab edirlər ki, səhər tezdən qalxmaq insanlar üçün təbiidir.
"Bizim əcdadlarımız günəşin doğuşu ilə birlikdə qalxıb, günəş batanda yatmağa gedirdilər. Amma indi daha gec yatmaq vaxtına keçid qaçılmaz görünür: rəqəmsal cihazlar gənclər üçün istənilən vaxt mövcuddur", – Moitra şərh edib.
Alimlər qeyd ediblər ki, əvvəlki araşdırmalar elektron cihazlardan tez-tez istifadə edən gənclərin daha gec yatmağa meylli olduğunu göstərib.
