Doğuşa nəzarət həbləri ilə eyni vaxtda antibakterial dərman qəbul edən qadınlarda arzuolunmaz hamiləlik riski əhəmiyyətli dərəcədə artır. Bu , BMJ Evidence-Based Medicine jurnalında dərc edilən araşdırmada göstərilib.
Əvvəllər məlum idi ki, bəzi dərmanlar – antikonvulsanlar, antiretroviruslar, rifampisin – qaraciyəri oral kontraseptivlərin effektivliyini azaldan fermentlər istehsal etməyə "məcbur edir". Yeni araşdırmada elm adamları daha çox sayda dərmana baxıb və onların doğuma nəzarət həblərinin işinə necə təsir etdiyini sınaqdan keçiriblər.
Elmi işin müəllifləri 170 mindən çox qadından toplanmış oral kontraseptivlərin mənfi təsirləri haqqında məlumatları təhlil ediblər. Bu qadınları şərti olaraq üç qrupa bölmək olar:
- qaraciyərin ferment istehsalını artırmayan antibiotiklər qəbul edənlər,
- ferment istehsalını stimullaşdıran dərmanlar qəbul edənlər,
- nəzarət qrupu (hər hansı digər dərman qəbul etmişdir).
Maraqlı bir tapıntı ondan ibarət idi ki, hər hansı bir antibiotik qəbulu doğuma nəzarət həbləri qəbul edərkən hamiləlik riskini 6,7 dəfə artırır. Tədqiqat həmçinin təsdiq edib ki, qaraciyərdə fermentlərin istehsalını stimullaşdıran dərmanlar oral kontraseptivlərin təsirini azaldır: onlar arzuolunmaz hamiləlik riskini 13 dəfə artırır.
Tədqiqatın müəllifləri hesab edirlər ki, hormonal kontrasepsiya qəbul edərkən antibiotik qəbul etməyə məcbur olan qadınlar müvəqqəti əlavə kontrasepsiya üsulunu nəzərdən keçirməlidirlər.
