Şəhər merinin fərmanına əsasən, yaşı 65-dən yuxarı olan moskvalılar və xroniki xəstəlikləri olan şəxslər 2020-ci il yanvarın 15-dək evdə qalmalıdırlar. Məhdudiyyətlər uşaq klubları və seksiyalarına da təsir edəcək – istirahət obyektləri yanvarın 15-dək fəaliyyət göstərməyəcək.
Sergey Sobyanin şəxsi bloqunda bu tədbirləri Moskvada koronavirusun yayılması ilə bağlı gərgin vəziyyətlə izah edib. Noyabrın 16-dan 22-dək COVID-19 səbəb olduğu pnevmoniya diaqnozu qoyulmuş halların sayı 2%, xəstəxanaya yerləşdirilməli olanların sayı isə 3% artıb. Şəhər rəhbəri qeyd edib ki, hazırda “artım dinamikasının tədricən hamarlanması” müşahidə olunur, lakin xəstələnmə nisbətinin azalması barədə danışmaq hələ tezdir, buna görə də şəhərin səhiyyə sistemi böyük gərginlik altındadır. Sobyanin hesab edir ki, əvvəllər tətbiq edilmiş məhdudiyyətləri indi ləğv etmək ehtiyatsızlıq olardı.
Mer xəbərdarlıq edib ki, moskvalılar növbəti ay yarım ərzində bu rejimdə yaşamalı olacaqlar və Yeni il böyük ehtimalla ailə bayramı kimi – ailə dairəsində qeyd edilməli olacaq. Bundan əvvəl Sergey Sobyanin Milad yarmarkalarının və kütləvi şənliklərin qadağan olunduğunu açıqlamışdı. Yalnız Yeni il ərəfəsində gəzintiyə icazə veriləcək.
Sentyabrın 28-də Moskvada yaşlılar və xroniki xəstəlikləri olan xəstələr üçün ev rejimi tətbiq edilib. İşçilərin 30%-nin distant işə keçirilməsi haqqında fərman oktyabrın 5-də verilib. İstisna yalnız iş yerində olması “təşkilatın fəaliyyəti üçün kritik əhəmiyyət kəsb edən” işçilər üçün edilib. Yeniliklər tibb müəssisələrinə, müdafiə sənayesi müəssisələrinə, Rosatom, Roskosmos və digər strateji əhəmiyyətli sənaye sahələrinə də təsir etməyib. Oktyabrın 19-dan uşaq klub və seksiyalarının işi dayandırılıb.
