Tədqiqatçılar çay və qəhvənin bədənə oxşar şəkildə təsir etdiyinə inanırlar. Hər iki içkinin tərkibində antioksidantlar və polifenollar var, bu maddələr qan təzyiqinin normal səviyyəsini saxlamağa, qan damarlarını zədələnmədən qorumağa və beyinə qan axını yaxşılaşdırmağa kömək edir. Əvvəlki tədqiqatlar göstərir ki, çay və qəhvə 2-ci tip diabet və müxtəlif ürək-damar xəstəliklərinin, o cümlədən hipertoniya və işemiyanın inkişaf riskini azaldır.
Çay və qəhvənin nevroloji xəstəliklərin inkişafına necə təsir etdiyini öyrənmək üçün alimlər İngiltərədəki böyük biotibbi məlumat bazası olan UK Biobank-ın məlumatlarına müraciət ediblər. Onlar 50-74 yaş arası 365 mindən çox insanın məlumatlarını təhlil ediblər. Tədqiqat zamanı içilən çay və qəhvənin miqdarı, demans və ya insultun tezliyi, həmçinin cinsiyyət, yaş, həyat tərzi və əlavə xəstəliklər nəzərə alınıb.
Bununla yanaşı, çinli mütəxəssislərin özləri də araşdırmanın zəif tərəfini qeyd edirlər. Bankda yalnız subyektlərin statistikaya daxil edildiyi zaman nə qədər qəhvə və çay içdikləri barədə məlumatlar var idi, lakin bu göstəricinin zamanla necə dəyişdiyi məlum deyildi.
Alimlər tonik içkilərin sinir sisteminə müsbət təsirini çoxdan müşahidə ediblər. Məsələn, 2018-ci ildə aparılan bir araşdırma qəhvənin tərkibindəki bəzi maddələrin Parkinson xəstəliyində neyronları qoruduğunu aşkar etdi.
