Alimlər təsdiq ediblər ki, Volfqanq Amadey Motsartın iki fortepiano üçün sonatası D major (K. 448) epilepsiyanın gedişatını yüngülləşdirə bilər. Yeni araşdırma Epilepsia Open jurnalında dərc olunub.
“Son 15-20 il ərzində biz Motsartın bəstələrindən birinə qulaq asmağın epileptik xəstələrdə tutmaların sayının azalmasına səbəb olması haqqında çox eşitmişik. Amma indiyə qədər sual qalırdı ki, fərqli musiqi parçasına, nəzarət parçasına qulaq asan insanların simptomları yaxşılaşa bilərmi”, – Toronto Qərb Hopitalının müəllifi Dr. Marjan Rafiee deyir.
Epileptik tutma zamanı dilinizi tutmağa çalışmaq niyə pis fikirdir?
Başqa bir insanda epileptik tutma zamanı nə etməli olduğunuz və etməməli olduğunuz barədə sizə məlumat vermək qərarına gəldik.
Məqaləni oxuyun
Müəlliflər sonatanın yalnız birinci hissəsi olan Allegro con spirito-nun epilepsiyanın gedişatına təsirini araşdırdılar. Nəzarət melodiya eyni sonata idi, lakin orijinal ritm olmadan.
Bir il davam edən araşdırmada 13 xəstə iştirak edib. İlk üç ay ərzində xəstələr müdaxiləsiz müşahidə edildi. Sonra iştirakçıların təxminən yarısı Sonata K. 448-ə, qalanları isə üç ay ərzində nəzarət melodiyasına qulaq asdılar. Sonrakı üç ay ərzində qruplar melodiyaları dəyişdirdilər: sonatanı dinləyənlər onun əks versiyasına keçdilər. Tədqiqatın son aylarında iştirakçılar yenə eksperimental musiqiyə qulaq asmadılar.
Tədqiqat boyu iştirakçılar qıcolma gündəlikləri saxladılar. Tədqiqat göstərib ki, hər gün Motsart sonatasına qulaq asmaq onların sayını 35 faiz azaldır.
Alimlər hesab edirlər ki, “Motsartı hər gün dinləmək epilepsiya xəstələrində qıcolmaların sayını azaltmaq üçün əlavə terapevtik üsul hesab oluna bilər”. Xatırladılar ki, xəstələrin təxminən 30%-də dərman müalicəsi səmərəsizdir.
