Belə ki, Yekaterinburqda sentyabrın 15-i səhər saatlarına kimi 34 məktəbdə 74 sinif kəskin respirator virus infeksiyası ilə əlaqədar karantinə alınıb. Söhbət koronavirusun yayılmasından getmir, lakin təhsil müəssisələrinin rəhbərliyi məktəblilər arasında kəskin respirator virus infeksiyalarına yoluxma hallarının çox olmasından çox narahatdır. Məktəblərin soyuqdəymə səbəbindən karantinə bağlanması üçün Rospotrebnadzorun əmrinə ehtiyac yoxdur. Sinfin 20%-dən çoxu xəstədirsə, distant təhsilə keçmək barədə qərar məktəb rəhbərliyi özü verir.
Eyni zamanda, Nijni Novqorodda 41 məktəbdə 103 sinif koronavirusa görə karantinə bağlanıb. Vyksa və Varej kəndlərində iki məktəb və bölgənin 39 məktəbində daha 56 sinif də distant təhsilə keçib.
Oxşar xəbərlər İrkutsk, Tümen, Omsk, Ulyanovsk, İvanovo və Penza vilayətlərindən, həmçinin Perm diyarından, Kareliyadan və Yamalo-Nenets Muxtar Dairəsindən daxil olur. Novosibirsk vilayətində dörd məktəbdə tam karantin elan edilib və yoluxanlar arasında müəllimlər və direktorlar da var. Distant təhsil rejimi 10 gündən 14 günə qədər davam edəcək.
Qeyd edək ki, pandemiya zamanı məktəblərin açılıb-açılmaması məsələsi bütün dünyada ən aktual problemlərdən biri olub. Məlumdur ki, uşaqlar koronavirusa daha az yoluxurlar və ümumiyyətlə, asanlıqla və hətta asimptomatik şəkildə dözürlər, lakin onların öz aralarında və böyüklər arasında infeksiyanı necə yayması sualına hələ də cavab yoxdur.
Almaniyadan edilən bir araşdırma, məktəblərin yenidən açılmasının infeksiyanın sürətlə yayılmasına səbəb ola biləcəyini müəyyən etdi. May ayının sonunda bir çox şagird məktəbə qayıtdıqdan sonra müəllimlər və digər işçilər arasında yoluxma nisbətləri artmadı, lakin tələbələr arasında yeni COVID-19 halları əhəmiyyətli dərəcədə artdı. Bu, yalnız orta məktəb şagirdlərinə təsir etdi; azyaşlı uşaqlar arasında halların sayı artmamışdır.
