Şimali Amerika Radiologiya Cəmiyyətinin alimləri xəstənin vərəm xəstəliyinə tutulduğunu müəyyən etmək üçün rentgen şəkillərini təhlil edə biləcək proqram üzərində işləyirlər. Hal-hazırda bu xəstəlik dünyada on aparıcı ölüm səbəblərindən biridir. 2016-cı ildə 10 milyondan çox insan vərəmə yoluxub, 1,8 milyon xəstə isə xəstəlikdən dünyasını dəyişib. Xüsusilə geniş yayıldığı bir çox bölgədə görüntüləri şərh edə bilən radioloqların çatışmazlığı var. Mütəxəssislər dərin öyrənmə alqoritmlərindən istifadə edərək, mövcud məlumatlar əsasında şəkillərdə vərəm ocaqlarının axtarışı sistemini yaradırlar.
Araşdırmaya Tomas Cefferson Universiteti Xəstəxanasından Paras Lakhani və onun həmkarı Baskaran Sundaram rəhbərlik edib. Onlar vərəmi olan və olmayan xəstələrin 1007 rentgenoqrafiyasından istifadə edərək onları üç qrupa ayırdılar: təlim, təsdiqləmə və sınaq. Tədqiqatçılar daha sonra iki fərqli şəbəkəni – AlexNet və GoogLeNet-i öyrətmək üçün ilk qrup şəkillərdən istifadə edərək vərəmin təsvirdə harada göründüyünü və harada olmadığını ayırd etdilər. İki şəbəkənin birləşməsi 96% -ə qədər dəqiqliklə diaqnoz qoymağa imkan verdi. Analizindən sonra şəbəkələrin fərqli nəticələr verdiyi həmin 13 görüntü bütün hallarda düzgün diaqnoz qoyan rentgenoloqa ötürülüb, bununla da insan müdaxiləsi diaqnostik dəqiqliyi 100%-ə çatdırmağa imkan verib.
