Həyat tərzi, şübhəsiz ki, insanın sağlamlığına təsir göstərir. Belə ki, müxtəlif yuxu pozğunluqları, o cümlədən qısa gecə yuxusu ürək-damar xəstəlikləri riskini artırır. Əksinə, fiziki məşqlər ürək problemlərinin tezliyini azalda bilər. İsveç və Norveç alimləri, əgər insan idmanla fəal məşğul olarsa, xroniki yuxu çatışmazlığının ürəyə yükü daha da artıra biləcəyini öyrənmək qərarına gəliblər.
“Məşqdən sonra qanda troponin səviyyəsinin yüksəlməsi ürək-damar xəstəliklərinin potensial riskinin nisbi artması ilə əlaqələndirilir. Mexanizmin nə olduğu həqiqətən məlum deyil, lakin eyni zamanda biz bilirik ki, ürək-damar sağlamlığına həyat tərzi təsir edir. Ona görə də yuxu məhdudiyyətinin məşq zamanı troponinin ifrazına təsir edib-etmədiyini araşdırmağın vacib olacağını düşündük. Səbəblərdən biri odur ki, bir çox tibb işçiləri yuxu pozğunluğunun bu cür işlərə cəlb edilməsidir”. Professor Conatan Cedernaes.
Bu tədqiqatın iştirakçıları həm normal yuxudan, həm də üç gecə azaldılmış yuxudan sonra – gecədə müvafiq olaraq 8,5 və 4,25 saatdan sonra güclü məşq etdilər. Təcrübədə bədən çəkisi normal, ürək-damar xəstəlikləri və yuxu problemi olmayan 16 sağlam gənc iştirak edib. Təcrübə zamanı onlar səhər və axşam, eləcə də məşqdən əvvəl və sonra qan veriblər.
Tədqiqat müəyyən edib ki, iştirakçılar qısa bir gecə yuxusundan sonra məşq etdikdə, ürək stressinin biomarker troponinin səviyyələri yaxşı gecə yuxusundan sonra məşq etdikdən daha çox artıb. Yəni intensiv məşq zamanı yuxunun azalması əslində ürəyin yükünü artıra bilər. Amma alimlər vurğulayırlar ki, gecə yuxu saatlarının sayına ehtiyac da çox fərdidir.
