Yaponiya sahillərində dayanan Diamond Princess kruiz gəmisində həkimlər daha bir Rusiya vətəndaşında koronavirus infeksiyası aşkar ediblər. “Vesti” xəbər verir ki, bu barədə Rusiyanın Yaponiyadakı səfirliyi məlumat yayıb.
Kişinin xəstəliyi asemptomatikdir və həkimlər rusiyalını Aiçi prefekturasındakı ixtisaslaşmış tibb müəssisəsinə yerləşdiriblər. Fevralın 17-də koronavirusa yoluxan ilk Rusiya vətəndaşı olan onun həyat yoldaşı Kanaqava prefekturasındakı xəstəxanadadır.
Diamond Princess kruiz gəmisi fevralın 19-dək Yaponiyanın Yokohama limanında karantindədir. Bu, Çindən kənarda ən böyük koronavirus klasteridir. Gəmidəki 400-dən çox sərnişinin COVID-19 testi müsbət çıxıb.
