Hazırda Qlazqo Universiteti və Birminqem Universitetinin mütəxəssisləri tərəfindən aparılan OCTAVE tədqiqatı immun çatışmazlığı olan insanlarda OVID-19 peyvəndindən sonra immun reaksiyasını qiymətləndirmək üçün nəzərdə tutulub. Onların arasında xərçəng, revmatoid artrit, xroniki qaraciyər və böyrək xəstəlikləri və bəzi digər xəstəlikləri olan xəstələr var.
Tədqiqat AstraZeneca və ya Pfizer peyvəndləri ilə COVID-19-a qarşı tam peyvənd edilmiş 600-ə yaxın immuniteti zəif olan Böyük Britaniya sakinini əhatə edir. Onlar peyvəndin birinci komponentini almadan əvvəl və ikincisini qəbul etdikdən dörd həftə sonra qan nümunələrini verdilər. Antikor istehsalını qiymətləndirmək üçün tədqiqatçılar bir neçə qabaqcıl test sistemlərindən istifadə etdilər.
Aralıq nəticələr göstərdi ki, xəstələrin ən azı 40%-də çox zəif immun reaksiya yaranıb, 11%-i isə ikinci peyvənddən dörd həftə sonra belə antikor istehsal etməyib. Ən tez-tez monoklonal antikorlarla (rituximab) müalicə alan vaskulitli xəstələrin alt qruplarında antikorların əmələ gəlməsinin mümkünsüzlüyü müşahidə edildi – onlarda peyvəndin effektivliyi sağlam insanlarla müqayisədə 90% azaldı.
Artritli xəstələrdə peyvənddən sonra immun reaksiya 54%, hemodializdə olmayanlarda – 21%, qaraciyər xəstəlikləri olanlarda – 51%, qan xərçəngi olanlarda – 39%, digər onkoloji xəstəliklərdə – 17%, sümük iliyi transplantasiyası keçirənlərdə – 33% azalıb.
Yaxın gələcəkdə, OCTAVE tədqiqatının bir hissəsi olaraq, mütəxəssislər gücləndiricinin effektivliyini öyrənməyi planlaşdırırlar – bu xəstələr qrupları üçün peyvəndin əlavə, üçüncü dozası. Alimlərin fikrincə, bu cür insanlar başqa bir peyvəndin onlar üçün nə qədər faydalı olacağını başa düşmək üçün xüsusi immunoloji müayinəyə ehtiyac duyacaqlar.
Daha əvvəl Con Hopkins Tibb Məktəbinin tədqiqatçıları bildirmişdilər ki, orqan transplantasiyası olan xəstələrin təxminən yarısında Pfizer və ya Moderna peyvəndlərinin iki dozasını qəbul etdikdən sonra anticisimlər əmələ gəlmir. Qalanlarının immun reaksiyası sağlam insanlarla müqayisədə xeyli aşağıdır. Alimlər həmkarlarını peyvəndin üçüncü dozasının zəifləmiş immun sistemi olan insanları qoruya biləcəyini təsdiqləyən daha geniş tədqiqatlar aparmağa çağırıblar.
